Чтобы крыша не поехала

В Кудымкаре не только стали вывозить снег с обочин, но уже и приступили к очистке снега и льда с крыш многоквартирных домов. В этом году к этим ежегодным работам приступили раньше обычного.

Карын дзимлялöны крышаэз вылiсь лым. Кудымкарын öнi не только весöтöны туйез и петкöтöны карись лым, крышаэз весöтöм сьöртi уджжез сiдзжö пондöтчисö ни. Керку крышаэз вылiсь лэдзöны лым и дзимлялöны йыжоллез. Кыдз только температурнöй режим öтöрын вежсис и пондöтчис сылöтны, коммунальнöй предприятие иньдöтiс техника крыша юррез вылiсь лым дзимлялöм вылö. Эта уджыс тулысся, но таво пондöтчис одзжык.

Лэдзны лым и весöтны керкуэз йыжоллезсянь уджалiссез пондöтчöны ыджыт сылöтöммез вотöдз. Уджалöны сэтшöм методöн, медбы сылöтöм эз бергöтчы последствиеэзöн, эд пырись пыр баитöны случайез йылiсь, кöр йыжоллез да лым увья доймисö отир. Сiйöн коммунальщиккезлöн вын öнi иньдöтöм не только туйез, но и керку крышаэз весöтöм вылö.

Матын кадö, кöр кар шöрись лым быдсöн весотасö, техника вуджас периферияö, кыдз кöсйöны весöтiссез, быдöс лоас керöм ас кадö.