Будущие педагоги прошли «боевое крещение»

ПГГПУ – кузница национальных кадров.  12 студентов четвертого курса коми-пермяцко-русского отделения Пермского государственного гуманитарно-педагогического университета проходят практику в школах Коми-Пермяцкого округа.

Студенттэз петiсö практика вылö. Пермскöй государственнöй гуманитарно-педагогическöй университетiсь коми-пермяцко-роч отделеннё вылiсь даскык велöтчись öнi велöтöны Коми-Пермяцкöй округись школаэзын.

Архангельскöй шöрöт школаись челядёк дынö квать неделя кежö локтiс виль велöтiсь, это ПГГПУ-ись коми-роч отделенне вылiсь велöтчись Максим Савельев. Уджалö том практикант кык класскöт. Коми-пермяцкöй кыв да литература уроккез чулöтö витöт и кватьöт классэзын. Кужöмöн ёртасьö челядькöт и адззö ныкöт öтласа кыв. Литература урок вылын сiя уськöтiс тöдвылö кольöм уроклiсь тема. Сетiс уна юасьöм и кокнита тöдсöтiс виль материалöн. Öтамöдлö отсасьöм йылiсь серни мунiс кузь урок.

Лыддьöтiсö Василий Климовлiсь «Помеч» нима висьт, öткоста тöдсасиö гижисьлöн биографияöн. Уджалöм коста ештiсö шувлыны чожабаитаннэз, шоччисьны физминутка коста и тöдны помечана да помеччез чулöтöм йылiсь. Быдöс этна методдэзö и быдкодь приеммезö том велöтiсьöс велöтiс роднöй университет. И синйö практиканттэз сьöрын ачыс кафедралöн доцент, филологическöй наукаэз сьöртi кандидат Алевтина Лобанова.

И этö студенттэзлöн велöтöмлöн уджын вöлись медодзза оськöввез, сiйöн практиканттэз ёна старайтчöны. Челядь кыссьöны ны дынö, куралöны виль тöдöммез и мыдзны томмезкöт оз ештö.

Довольнöйöсь велöтчиссез кольччöны быд урок бöрсянь. Кватьöт классын нуöтöм уроклöн виль тема «Безличнöй глаголлэз» сiдзжö шогмис кокнита. Максим неумöльжыка опытнöй велöтiсься кужис сетны виль материал. Кыдз баитöны ныставниккез, шогмö, мый думайтан. Практиканттэз радуйтöны и мöднеж лоны оз вермы. Пермскöй государственнöй гуманитарно-педагогическöй институтлöн коми-пермяцко- роч отделеннё вылiсь петö будущöй национальнöй элита, этö одзланься велöтiссез, нiя, киннэз пондасö сувтöтны и зорöтны роднöй кыв.