Дети Кудымкара отметили Книжкины именины

«Книжкины именины». Под таким названием в детской библиотеке города Кудымкара прошло мероприятие, посвященное неделе детской книги. На празднике детской книжки детям был показан кукольный спектакль по мотивам коми-пермяцкой сказки «Лиса и зайчата».

Челядь порйöтiсö небöггезлiсь нимлун. Челядь понда библиотекаö локтісö уна челядёк. Нія локтісö не дзир, мед лыддьöтны, но и мед поздравитны небöггез нимлунöн, эд эта неделяö чулöтсьö вежалун, кöда шусьö «Книжкины именины». Эта вежалун коста челядь тöдсасисö «Лиса и зайчата» нима  сказкакöт, кöдö висьтасисö аканнез.

Мыччалöм понда сказка вöлі босьтöм коми-пермяцкöй фольклорись. Геройез керисö быдкодь удж, йöктісö да сьылісö гажа сьыланкыввез, кöдна öддьöн гленитчисö челядьлö.

Аканнезöн спектакль видзöтісö кыдз садикö ветлöтісь челядёк, сідз и школаись велöтчиссез. Спектакль вайис гаж не дзир учöттэзлö, но и ыджыт зрительлö.

Сэтшöм спектакллез бöрын интерес небöггез дынö ыждö, эд адззылöм сказкасö позьö лыддьöтны аслыт. Челядь дыр пондасö висьтасьны адззылöм геройез йылісь асланыс ёрттэзлö.

Ны понда, кин орсіс этö спектакльсö, эта лоö медодз ыджыт уджöн, эд аканнез пыр колö видзны юр вевдöрын. Но учöт артисттэз велалісö эта дынö, эд орсöм пырйöт нія велöтчöны актёрскöй мастерствоö да зорöтöны ас пытшкын мöдік кужöммез.

Быдсöн челядь понда небöггезлöн неделя коста библиотекаын чулаласö эшö уна быдкодь пантасьöммез да мероприятиеэз, кöдна пытшкын позяс тöдсасьны не дзир небöггезкöт, но и гижиссезкöт. И аканнезöн спектакль лоас орсöм эшö неöтпырись, эд сія пыдына йиджö челядь сьöлöммезö.