Дым без огня: В Кудымкаре «тушили» бассейн

В Кудымкаре службы пожаротушения провели пожарно-технические занятия. Условный пожар в этот раз им пришлось тушить в помещении Кудымкарского плавательного бассейна.  

Кудымкарын чулаліс пожарно-техническӧй занятие. Ученнёэзын участвуйтісӧ пожарнӧй подразделеннёэзісь быдӧс сотрудниккез. Нія кусӧтісӧ условнӧй пожар карись плавательнӧй бассейнын.

Пожарнӧй службаэзын уджаліссез понда пожарно-техническӧй занятие лоис зачет туйӧ. Татӧн, плавательнӧй бассейнлӧн территория вылын, нія керисӧ итоггез. Аркмӧм черезвычайнӧй ситуацияэз коста реагированне да уджалӧм мыччалісӧ практика вылын.

Пожарнӧйез велӧтчисӧ сетны отсӧт быдкодь нештатнӧй ситуацияэз коста. Сідз кыдз ачыс, занятие чулӧтӧм понда объект, бӧрйӧм вӧлі сьӧкыт, уджавны специальнӧй обмундированнеын и машинаэз вылын вӧлі некокнит. План, кӧдӧ сувтӧтісӧ подразделенне одзын, шогмис тыртны быдсӧн, удж сьӧрын видзӧтісӧ Пермскӧй крайись специалисттэз.

Пожарно-техническӧй занятиелӧ дон сетісӧ кыдз удовлетворительнӧйӧ, а этӧ лоӧ, мый противопожарнӧй служба кужис мыччавны бур, ӧтласа удж. Пожарно-спасательнӧй отряддэз сетісӧ ассиныс зачет.