«Золотой ключик» для тружеников села

В Кудымкарском районе 18 тружеников села получили жилищные сертификаты. Сертификаты выданы в рамках программы «Улучшение жилищных условий граждан, проживающих в сельской местности, в том числе молодых семей и молодых специалистов».

Кудымкарскöй районiсь даскыкьямыс сельскохозяйственниклö сетiсö жилищнöй сертификаттэз. Видзчисяна церемония чулалiс районнöй администрацияын.

«Улучшение жилищных условий граждан, проживающих в сельской местности, в том числе молодых семей и молодых специалистов» нима программа пырйöт даскыкьямыс морт öнi бурсьöтасö ассиныс оланiннэз. Кудымкарскöй районiсь олiссез, сельскöй хозяйствоын уджалiссез понда этö бур отсöт. Эттшöм программаын район активнöя участвуйтö нельöт год.

Оланiн условиеэз бурсьöтöм вылö вöлi сетöм öкмыс миллион рубся унажык. Этö федеральнöй, краевöй и местнöй бюджеттэзiсь сьöм. Программалöн шöр условиеöн лоö сельскöй местностьын олöм и уджалöм. Сертификаттэзлöн суммаэз неöткодьöсь, быд морт и семья понда деньга лыддисö торйöн.

Оланiнлöн расчетнöй стоимостись сизимдас процент субсидия, куимдас процент отир содтöны асьныс. Программалöн участниккезлö дзугны условиеэз оз туй. Оланын лоöм событиелö нiя ёна радуйтчисö.