«Чачасин» приглашает друзей

В Кудымкаре начал свою работу  Межнациональный фестиваль детского творчества «Чачасин».  Основная цель фестиваля - создания условий для поддержки талантливых детей и взаимообогащения  культур разных народов.

Коми-Пермяцкöй этнокультурнöй центрын пондöтіс ассис удж челядь творчестволöн межнациональнöй фестиваль «Чачасин». Конкурснöй мыччалöм одзын чулалöны медбöрья репетицияэз. Лöсьöтчöм мунö паськыт: чожа челядь петасö сцена вылö, мед мыччавны быдöс ассиныс енби. Челядьлöн тöждöммез, йитöмöсь эта мыччалöмöн, вöлісö быдкодьöсь.

Жюрилöн, кöда сідз жö лöсьöтчис сы дынö, мед бура синйыны медбуррезöс, тöждöммез сідз жö вöлісö неетша. Нія вöлісö йитöмöсь ыджыт видзчисьöммезöн.

Конкурснöй бöрйöм вылö локтісö куимдас сизим артист. Фестиваль сэтшöм нимöн первуись осьтіс ассис ыбöс учöт пиэз понда.

Сцена вылö петтöн, быдöс тöждісьöм кольччис бöрö. Вот и Верх-Иньва посадісь йöктіссез шыннялöмöн топöтыштісö сцена кузя, вашöтісö асланыс йöктöмöн гажтöм думаэз.

Учöт артисттэз мыччалісö асьнысö сэтшöм жанррезын, кыдз театральнöй постановка, сьылöм да йöктöм.  Жюри мыдзтöг видзöтіс быдöс номерресö, эд коліс бöрйыны медгажаэзöс да медбасöккезöс. Выступленнёэзын медбур ладор быдыслöн вöлі аслас.

Йöктаннэз да сьыланкыввез коласын адззисисö нельки народнöй инструменнтэз вылын орсіссез.

Фестивальлöн медлодзза лун öктіс челядёккезöс карись, Кудымкарскöй да Юсьвинскöй районісь. Эта видзöтöм бöрын лоасö чулöтöмöсь бöрйöммез и округлöн ойвывся районнэзын. А кин медбура вöрзьöтас бöрйиссезлісь сьöлöммез, лоас тöдса гала-концерт вылын.