Первый раз в 1-й класс

В школах города Кудымкара начался прием заявлений от будущих первоклашек.

Кудымкарын пондöтчисö комплектуйтны медодзза классэз. Первоклашкаэз, кöдна быд год мунöны школаö, пырись пыр содöны. Таво медодзза классэзö мунiсь челядь сiдзжö лоасö уна. Образованнелöн управленне эта вылын уджалö важынни. Öнi ни примитöны аймаммезсянь заявленнеэз. Кин кытшöм школаын пондас велöтчыны, дошкольниккезлöн аймаммез тöдöны ни. Карись школаэзын медодзза классэз понда лоасö лöсьöтöмöсь быдöс условиеэз. Заявленнеэз виль велöтчиссезсянь примитiсö, бöрйöмöсь ни велöтiссез. Кыдз баитöны куимöт номера гимназияын, ажиотаж вöлi медодзза луннэзö.

Но, а первокласниккез, кöдна локтiсö велöтчыны кольöм воö, чожа помаласö ни куимöт четверть. Эта кад коста пиэз нач вунöтiсö челядь сад йылiсь, öнi нiя велöтчиссез.

Адаптация учöт челядь мунiсö перыта, öнi уроккез, занятиеэз, школьнöй меропряитиеэз и эшö уна быдкодь интереснöйыс, кыдз баитöны асьныс, мунö визыла. Быдöс эта матiсь кадö видзчисьö виль первокласниккезöс.