«Поэтическая эстафета» открывает новые имена

Весна – время, когда пробуждается природа, а сердце и душа просят чего-то светлого и доброго. Поэтому в один из весенних вечеров в Коми-Пермяцкой национальной библиотеке имени М.Лихачева звучали стихи. Читали их сами поэты на мероприятии, которое называлось «Поэтическая эстафета».

Из рук в руки писатели передавали кушак. Поэты опоясывались им, читали стихотворение, и передавали дальше. Читали стихи, которые еще нигде неопубликованные, так и произведения коми-пермяцких классиков.  Главным событием этой эстафеты стало открытие новых имен. Молодые поэты, которые только начали делать первые шаги в литературном творчестве, читали свои произведения. И это мероприятие стало для них своего рода экзаменом, который они успешно прошли.

Гижиссез петiсö медодзза эстафета вылö. Тулысöн, кöр саймö вöр-ва да лов, сьöлöм корö мыйкö басöкö да кокнитö. И сійöн Лихачёв нима библиотекаын мича тулысся рытö горалісö быдкодь кывбуррез. Лыддьöтісö нійö гижиссез и керисö этö виль способöн -  эстафета пырйöт.

Киись киö вуджис басöк кушак, коми-пермяккезлöн символ. Гижись домавліс сійö ас вылас и лыддьöтіс кывбуррез, а сыбöрын сетіс сійö мöдіклö. Кывбуррез горалісö кыдз вильöсь, кöдна эшö эзö вöлö печатайтöмась небöггезын, сідз и произведеннёэз коми-пермяцкöй классиккезлöн.

Зрителлез коласын вöлісö уна томпöлöс, студенттэз, эд именно сэтшöм возрастын поэзия саймöтö морт пытшкын тöдтöм чувствоэз да нельки тшöктö кистьны нійö бумага вылö. Эта пантасьöмись том отир петкöтісö ас понда уна вильсö.

Полезнöйöн вöлі эта эстафета не дзир зрителлез понда, но и асьныс гижиссез понда. Нія тöдсöтісö отирсö асланыс уджжезöн, торйöтчисö одзланься планнэзöн.

Медшöр событиеöн эта эстафеталöн лоис виль ниммез осьтöм. Гижиссез, кöдна только пондöтчисö керны ассиныс медодзза оськöввез, лыддьöтісö кывбуррез, кöдна лоисö сьöлöмви зрителлезлö. А пондöтчиссез понда эта лоис ассяма экзаменöн, кöдö нія кужисö бура видзны.

Эта пантасьöмсянь некин эз мун умöль настроеннёöн: зрителлез нуöтісö сьöраныс кылöм кывбуррезісь гленитчöм строчкаэз, а гижиссез – виль произведеннёэз понда идеяэз да думаэз.