Необычное в обычном

Необычное в обычном. В Коми-Пермяцком краеведческом  музее им. П.И. Субботина-Пермяка открылась выставка «Необычное в обычном»,  посвященная 70-летию Михаила Петровича Гуреева,  художника, члена объединения «Художники Пармы», педагога, Заслуженного учителя РСФСР.

Выставка – уна годся уджлӧн пас. Сэтшöм мортöс, кыдз Михаил Петрович Гуреев, позьö шуны зэв шудаöн, эд  енбиэз сылöн не öтіка. Сы пытшкын öтлаын олöны художник и велöтісь. Öння годö ыджыт мастер панталö ассис гöгрöса дата, и  Коми-Пермяцкöй краеведческöй музейын оссис «Необычное в обычном» нима выставка, кытöн позьö тöдсасьны сы кипод увтісь петöм уджжезöн. Выставка осьтöм вылö öксисö медматын отир да горалісö медшоныт кыввез да кöсйöммез.

Уджжез, гижöмöсь сы киöн, зэв ассямаöсь: нія тыраöсь музыкаöн да лирическöй шыэзöн да мыччалöны быдкодь жанррез: эмöсь и реалистическöйöсь, и символическöйöсь, и нельки философскöйöсь. Мукöдыс ныись шынняланаöсь да югытöсь, а мукöдыс видзöны ас пытшкын  висьтавтöм тайна. Нія кыскöны ас дынö да тшöктöны сувтчыны, мед вежöртны сайöвтöм ныын дума.

Кыдз енбиа велöтісь, Михаил Гуреев уна год ас пым уджöн корис том велöтіссезöс радейтны челядьöс да велöтны нійö нюжöтчыны басöк дынö. Синнэзöн, тырöм югыт аттьöалан биöн, сылöн велöтчиссез локтісö эта выставка вылö, мед шонтны велöтісьлісь сьöлöм.

Юбилейнöй выставка осьтö художниклісь дивуйтана ладоррез. Сідз, гижöм картинаэзся мыччалöмöсь и фотоаппарат пырйöт керöм уджжез. Ны пытшкын тыдалö паськыт фантазиялöн лэбзьöм да торрез, кöднö он казяв медодзза дзарöн.

Михаил Петрович шуда эшö öтік торöн – сылöн эм кужöм адззыны адззывлытöм торрез быдлунся оланын. Эта кужöм и сетіс паськыт выставкалö ним. Сы пытшкö пырисö художниклöн витдас нёль удж, кöдна вылö видзöтöм бöрсянь кольччö дивуйтчыны, кытшöм интереснöй торрез да морттэз олöны миян бокын.