Все на старт

Все на старт.  В Кудымкаре прошел легкоатлетический кросс. Участие в нем приняли учащиеся школ города, а так же студенты СУЗ-ов.

Челядь петісӧ кросс вылӧ. Мед тöдны, кин жö быдöннысся чожжык, томпöлöс локтісö карись легкоатлетическöй кросс вылö, кöда чулалö быд год да öктö уна отир. Медодз ассиныс вын котрасьöмын пешлісö студенттэз, кöдна понда спорт лоö оланісь торöн. Эта кросс лоис ны понда важнöй стартöн.

Быдгодся кросс спортсменнэз понда лоö вежалунöн. Судзöтсьöны вермöммез, бöрйиссьöны спортсменнэз эстафетнöй командаэз понда. Тавося вежалунсö керис югытöн эшö и мича погодя, сія лоö öддьöн важнöйöн котрасиссез понда.

Студенттэз бöрсянь котрасьöмын мыччалісö асьнысö и школаын велöтчиссез. Ны кыввез сьöрті, лöсьöтчöм эта кросс дынö вöлі чулöтöм бура.

Öтік результат эз кольччы строгöй судьяэзлöн синнэз сайись. Сэтшöм делоын, кыдз спорт, сорасьöммезлö места абу.

Кросс вайис волненнё не дзир нылö, кин котрасис, но и нылö, кин локтіс сы понда, мед ас горöтöмöн сетны котрасиссезлö отсöт.

Эд вермöммез вайöны гаж не дзир нылö, кин нійö шедтö, но и ны ёрттэзлö.