Пострадавшим от паводка будет оказана помощь

Всем пострадавшим будет оказана помощь. Об этом заявил Председатель Правительства Пермского края Г.П. Тушнолобов, который прибыл в Коми-пермяцкий округ для координации мероприятий по ликвидации последствий паводка на территории г. Кудымкара и с. Юрла.

Кудымкарын шогмӧм чрезвычайнӧй ситуация ас контроль увтӧ босьтісӧ юраліссез. Пермскӧй крайись Правительстволӧн Председатель ордчӧн МЧС-лӧн главнӧй управленнеись юраліссезкӧт да мӧдік представителлезкӧт локтіс Коми-Пермяцкӧй округӧ.

Юраліссез и быдӧнныс, киннэз ӧні пондасӧ видзны шогмӧмыс понда ответ, ӧксисӧ карись пруд вылын. Ва увтӧ шедӧм территория видзӧтіс ачыс крайись Правительстволӧн Председатель Геннадий Тушнолобов. Ӧтлаын сыкӧт уджаліс Пермскӧй крайись МЧС-лӧн главнӧй управленне.

Крайись комиссия бура видзӧтіс гидротехническӧй сооруженне. Нем эз кольччы ны син сайын: быдӧс затворрез, кӧдна уджалӧны, валісь лэдзӧм да уровень, кӧда ӧні видзсьӧ и уджжез, кӧдна мунӧны, и отсӧт, кӧда сетсьӧ отирлӧ.  Дӧнзис татӧн быдӧнныслӧ. Вӧлі вежӧртана, что сы понда, мый стихия дойдіс уна отирӧс, безнаказаннойезӧн некин оз кольччы.

Быдӧс пострадавшӧйезлӧ сетасӧ материальнӧй отсӧт. Кӧсйисӧ, что некинӧс, кин шедіс ыджыт ва увтӧ, оз орддьӧ.

Обстановка ӧні сьӧкыт. Ва увтын  тысяча гӧгӧр керку. Эвакуируйтӧм кык тысяча гӧгӧр морт. Уджалӧны быдӧс экстреннӧй службаэз. Кыдз висьталіс краевӧй МЧС-лӧн главнӧй управленнеись юралісь, нія контролируйтасӧ, кытшӧм мераэз примитас местнӧй руководство.

Ойбытӧн карын прудісь ва невна чиніс. Власттез вежӧртӧны, что одзын эшӧ паськыт удж, тӧдӧны, мый отирлӧ сьокыт и готовӧсь керны быдӧс, медбы кокнямис нылӧн шог. Решенне примитісӧ ӧтікӧ, нія готовӧсь и быдӧс керасӧ сідз, мед эттшӧм бедствие одзлань татӧн некӧр эз вӧв.