Студенты 1-го курса знакомятся знакомятся с культурой коми-пермяков

Студенты первого курса коми-пермяцко-русского отделения Пермского государственного гуманитарно-педагогического университета знакомятся с культурой и традициями коми-пермяков. У них началась культурно-просветительская практика.

Студенттэз петiсö практика вылö. Быдöс школаын велöтчиссез да студенттэзлö кыв гожум уськöтö тöдвылö каникуллэз. Но не быдöнныс эта пораö шоччöтöны ассиныс юр, мукöд понда локтіс практикалöн кад. Студенческöй практика овлö быдкодь. Сідз, округö локтісö студенттэз, кöдна велöтчöны Пермскöй государственнöй университетісь коми-пермяцко-роч отделеннё вылын. Мог ны локтöмлöн öддьöн интереснöй, эд практика шусьö культурно-просветительскöйöн.

Кытчöдз практика дзир пондöтчис, том отир локтісö тöдсасьны чужан культуракöт Коми-Пермяцкöй этнокультурнöй центрö. Эстöн ны понда чулöтісö зэв бытшöм экскурсия, кöда вылын висьтасисö лён да сыись паськöм керöм йылісь.

Сыбöрын лоан велöтіссезöс велöтісö керны ас киöн аканёккезöс. Нія керисö этö ыджыт стараннёöн, эд сэтшöм практика нылö гленитчö.

Студенттэзлöн кыввез сьöрті, сэтшöм практика уна мый сетö профессиональнöй ладорсянь.

Сэтшöм практика вылö медодз курс вылын велöтчиссез понда чулöтсьö мöдік год да вайö ассис результат. Студенттэз не дзир пыртöны оланö небöм кужöммез да быдöс адззылöмсö, но и лэдзöны быдкодь материаллэз. Чулалöм годö этö вöлі Кудымкарöт видеопутеводитель, а таво, ежели быдöс шогмас, газетын нето журналын листбок. Уджыс томпöлöслöн уна, и сія зэв полезнöй.

Бур, мый студенттэзлöн эм возможность павкöтчыны ас киöн чужан культура да традицияэз бердöдз. Эд öні нія студенттэз, а чулалас кынымкö год, и ныись шогмасö виль велöтіссез, кöда пондасö велöтны этаö челядёкöс.