Писателю Аркадию Истомину – 60 лет

Коми-пермяцкому писателю Аркадию Истомину – 60 лет! В честь этой даты на базе  Коми-Пермяцкой центральной национальной библиотеки им. М. П. Лихачева состоялась творческая встреча с писателем. Все желающие могли познакомиться с творчеством коми-пермяцкого поэта, стихи которого отличаются чистотой языка и глубоким философским содержанием.

Чужан лунöн поздравленнёэз примитiс коми-пермяцкöй гижись Аркадий Истомин.

Творческöй рыт, кöда чулалiс Коми-Пермяцкöй центральнöй библиотекаын, вöлi йитöм коми-пермяцкöй гижисьлöн гöгрöса юбилейкöт. Библиотекаись читальнöй залын, кытöн чукöртчисö поэзия радейтiсь отир и гöссез, мунiс кокнит тöдсасьöм и баитчöм. Творческöй морт висьтасис, мыйöн олö öнi, мый тöждöтö и öзтö лов.

Кыдз олан йитсис медицинакöт, уджассис и адззисис сьöлöм понда меддона тор, сiя висьтасис кывзiссезлö ыджыт энтузиазмöн. Аркадий Истоминлöн медодзза кывбуррез вöлiсö печатайтöмöсь 1975 годö. Сiя кадсянь поэтлöн творчествокöт лыддьöтiссез вермисö тöдсасьны кыдз окружнöй, сiдз и краевöй да российскöй печатнöй изданнёэзын и литературнöй сборниккезын. Авторскöй сборниккез Аркадий Степановичлöн петiсö нёля. Чужан му и вöр-ва дынö радейтöм да мам кыв йылiсь тöждöм лоöны сы творчестволöн шöр темаэзöн. Колис тöдтöмöн Аркадий Истомин дзир сiйö, мый вылын уджалö öнi, а вот сайöвтчыны ошкöмсянь вöлi некытчö. Уна шоныт кыввез и бур кöсйöммез адресуйтiсö поэтлö эта рытö.

Чужан лунöн поздравленнеэз Аркадий Истомин примитiс и коллегаэзсянь. Творческöй рыт шогмис шоныт и кокнит. Юбилярöс старайтчисö радуйтны быд торöн. Челядь лыддьöтiсö гижисьлiсь кывбуррез, сетiсö уна итереснöй юалöммез и нельки сiйö, кыдз жö тöрöтчöны поэзия комын кык поэт. Нiя готовöсь вöлiсö эшö уна кад кывзыны енбиа мортöс. И тэрмöтны сiйо лунсö, кöр петасö гижисьлöн виль петассэз.

Помассис эта баитчöмыс музыкальнöй козинöн, кöдö Аркадий истоминлöн кывбур вылö лöсьöтiсö Коми-Пермяцкöй этнокультурнöй центрись уджалiссез.