Студентам показали отрывки из «Убийцы»

Коми-Пермяцкий национальный драматический театр им. М. Горького возобновил давнюю традицию проведения творческих встреч со зрителями. Артисты театра встретились со студентами  Коми-Пермяцкого агротехнического техникума.

 Вниманию ребят и преподавателей были представлены отрывки из музыкальной сказки «Бременские музыканты», политической комедии «Мандат» и готовящимся к премьере спектакля «Убийца».

 Артисттэзкöт пантасьöм. Студенттэз – этö отир, кöдна быдöс кадсö сетöны велöтчöмлö. Параэз да практикаэз коласын кадыс гажöтчöм вылö кольччö неуна. Карись драматическöй театрын этö шогсö вежöртöны бура, сійöн театрись артисттэз локтісö Коми-Пермяцкöй агротехническöй техникумö асьныс, мед пантасьöммез эзö вöлö сэтшöм шочаöсь.

Артисттэз мыччалісö тороккез куим виль спектались. Этö музыкаöн йитöм сказка «Бременские музыканты», неважын оссьöм сезонлöн премьера «Мандат» да «Убийца» нима спектакль, кöдö этна луннэзö первуись адззыласö театрö локтіссез. Видзöтіссезлö гленитчисö куимнанныс.

Томпöлöс сьöлöмсянь шовкöтісö мыччаліссезлö, эзö дзебö шынньöввез, эд не пыр усьö адззывны радейтана артисттэзöс сэтшöм обстановкаын. Думайтсьö, сэтшöм пантасьöммез öзтасö студенттэзын театр дынö интерес.

Тороккез мыччалöм бöрын быдöс студенттэзлöн вöлі возможность сёрнитны артисттэзкöт, сетавны юасьöммез. Нія висьтасисö асланыс удж да олан йылісь, матынжыка тöдсасисö видзöтіссезкöт, нельки осьтлісö кытшöмкö профессиональнöй секреттэз. Пантасьöм вайис уна эмоцияэз кыдз велöтчиссезлö, сідз и аслыныс актёррезлö.

Сідз кыдз пантасьöм эта чулаліс не первуись, позьö видзчисьны, мый сія лоис не медбöрьяöн, и театр одзлань пондас уджавны сэтшöм форматын, мыйöн матынсялас отиркöт эшö ёнжыка.