Культуре быть!

На ремонт здания дома культуры в селе Ленинск Кудымкарского района администрация выделила более двух миллионов рублей. Сейчас здесь ведутся работы по ремонту кровли и потолка. Так же будут установлены новые окна и двери. Завершить ремонт подрядчик должен в июне 2017 года.

Ленинскын культуралiсь пöдналöм керку пондöтчисö ремонтируйтны. Уджжез вылö районнöй администрация сетiс кык миллионся унажык руб.

Культура керкулiсь аварийнöй зданне татöн пöдналiсö эшö кольöм годö, гожумöн. Сэксянь ни Ленинскись клубын лöнь. Уджалiссез и коллективвез вуджисö школаö. Эта культурнöй учрежденне сьöртi вöлi лöсьöтöм техническöй и проектнöй документация. Зданнелöн аварийность сьöртi юасьöм петкöтiсö Кудымкарскöй районiсь депутаттэзлöн земскöй собранне вылö.

Культуралöн керкуын ремонт керöны öтiк миллион сизимсё тысяча руб вылö. Эта деньга вылö лöсьöтöны и ремонтируйтöны сiйö, мый пырис проектö. Эшö öтiк миллион, кöдö местнöй администрация вермис кольны сетöм деньгаись, думайтöны видзны пытшкись да нiя уджжез вылö, кöдна вылö деньга оз тырмы.

Важ зданне пытшкын этна ремонтнöй уджжез чулöтöм коста ни киссис полiньтчöм потолок, бур, что некин эз дöймы. Öнi потолок да крыша вочисö, а эд вермис бы шогмыны трагедия, шуöны асьныс уджалiссез. Сiйöн примитасö отирöс татöн вöлись сэк, кöр быдöс лоас безопаснöй. Помавны ремонт планируйтöны локтан годлöн июнь месяцö.

Подрядчик шуö, мый кольччис досповна лöсьöтны крыша, сувтöтны öшыннэз и виль ыбöссэз. Этö нiя моггез, кöднö тэрмасьöны тыртны ыджыт лыммез вотöдз. Мöдiк уджжез учöтöсь, нiйö Ленинскöй культура керкуын керасö сувтöтöм срок кежö.