Хотели как лучше

После проведения ремонтных работ, жители многоквартирного дома в поселке Пожва боятся, как бы дом не рассыпался как карточный домик. Поскольку в ходе работ выяснилось, что фундамент дома нуждается в капитальном ремонте, а денег на это нет.

Мöдiсö кыдз буржык, а петiс, кыдз и пыр. Юсьвинскoй районiсь Пожва поселокись олiссез керкулöн косметическöй ремонт бöрын полöны овны асланыс  квартираэзын. Мый нiйö сiдз полöтö, тöдiсö миян корреспонденттэз. 

Сы бöрсянь, кыдз куим этажа уна квартираа керкуын пондöтчис капитальнöй ремонт, отирыс полöны сэтöн овны. Рабочöйез кутчисисö фундаментлöн облицовка бердö, а сiя босьтiс и киссис.  

Киссис фундаментыс Наталья Шугаенколöн öшыннэз увтын. Кöр пондiсö видзöтны, казялiсö, что кирпиччез коласын быдлаын песöк. И этшöм состояннеын фундаментыс быдсöн керку увтас.

Уджалiссез, кöдна нуöтöны ремонтнöй уджжесö, сiдз жö ужасайтчöны. Михаил Кривощеков кыввез сьöртi, мед керны керкуас ремонт, колö уна сьöм, бур бы вöлi если бы отирсö эта аварийнöй керкуись вуджöтiсö мöдiлаö. Эд стена кузя трещинаэс мунöны фундаментсяняс и локтöны нельки кыкöт этаж дынöдз.  

Ремонт одзын керкулiсь экспертиза, кыдз шуöны отирыс, керисö местнöй чиновниккез öтлаын ТСЖ-лöн веськöтлiськöт, кöдалö отирыс и доверитiсö капитальнöй ремонт понда сьöмсö. Комиссиялöн итог – колö керны косметическöй ремонт да лöсьöтны крыша. Уджжез нуöтöм вылö öктiсö миллион руб.

Кыдз шуöны куркуын олiссез, ТСЖ-öн веськöтлiсьлöн, мненнеыс нач мöдiк. Нiя тшöктiсö просто лякны фундаментсö, нем умöльыс оз ло, или жö кошшыны сьöм, кöда отирыслöн и сiдз абу. Адззыны ТСЖ-лöн офисiсь юралiсьсö эз пет.

Аркмöм проблемаись выходсö  адззисö чиновниккез. Вöлi примитöм решенне öктыны комиссия, кöда и висьталас, туйö я повтöг овны этшöм керкуас.

Отирыс жö оз вежöртö, мыля этшöм дефекттэс эз вöлö казялöмöсь сразу. Нiя полöны овны этшöм керкуас, эд, ны кыввез сьöртi, сiя вермас киссьыны кöть кöр.