Кудымкар готовится к отопительному сезону

Кудымкар готовится к отопительному сезону. Котельные города проверила специальная комиссия, созданная по поручению главы города. 

Карын лöсьöтчöны лонтан сезон осьтöм кежö. Кытчöдз öтöрын сулалö кöс погоддя, быдлöн эм охота сайöвтчыны жарсянь, но сибöтчö ар, и чожа отир одзын сувтас юасьöм оланін шонтöм сьöрті. Кудымкарские тепловые сети нима предприятие вылын эта йылісь думайтöны пыр, и лöсьöтчöны лонтан сезон кежö. Чожа котельнöйез пондöтасö ассиныс удж.

Первöй номера котельнöйын быдöс готов сы кежö, мед сетны шонытсö карын оліссезлöн керкуэзö. Сійöн котельнöйез примитöм сьöрті комиссия локтöм одзын тöждöммез абуöсь некытшöмöсь.

Быдкодь оборудованнё лöсьöтöм быд ладорсянь. Гожум сьöрна татöн вöлісö керöмöсь ремонтнöй уджжез. Мукöд котёллэз вылын нія вöлісö керöмöсь капитальнöйöсь, а мукöддэз вылын - неыджытöсь.

Карлöн юралісь постановленнё сьöрті, примитö котельнöйез специальнöй комиссия, кöда синйö сы сьöрын, мед быдöс оборудованнё вöлі колана состояннёын, быдöс уджаліссез вöлісö велöтöмöсь да вöлісö готовöсь лонтан сезон осьтöм кежö.

Сы понда, ежели лоас кытшöмкö аварийнöй ситуация, карись оліссезлö позьö не тöждісьны, эд нельки эта дынö предприятие вылын уджаліссез готовöсь бура. Сідзкö, позьö надейтчыны, мый кöдзыт луннэз локтöмкöт миян керкуэзö локтас и шоныт, и котельнöйезлiсь удж оз тшыкöт некытшöм умöль ситуация.