Маловато будет...

Садоводы-огородники приступили к уборке лука. Многие из них жалуются, что год выдался на лук неурожайным. Всему виной, как считают хозяева дачных участков, стало засушливое лето.

Тавося год уна отир понда лоис неурожайнöйöн лук вылö. Сибöтчö кад, кöр ковсяс дзимлявны урожай. Уна отир норасьöны сы вылö, мый таво öддьöн умöля шогмис лук. Сія поснит, уна сісьмö, мукöд карчйöрын гряд вылын нельки джыныс эз петав. Карчвöдітіссез медшöр причинаöн эталö лыддьöны погоддя.

Николай Ермаков шуö, мый лук таво шогмис öддьöн умöля. А юасьöм вылö, вачкисьö я тавося урожай мöймуся вылö, шуö, мый нельки сравнитны оз позь.

Сэтшöм урожай таво карын вылісь ладорын. Территория вылын, кöда тулыснас шедліс ыджыт ваэз увтö, сія не буржык. Татісь оліссезлöн мненнё сьöрті, ыджыт пай сэтчö пуктіс и паводок, и погоддя.

Россельхозцентрись специалисттэз торйöтчöны: лукыс шогмис умöля сійöн, мый мöймуся ар вöлі öддьöн ва, а тöвнас вöлі уна лым, и му лöсяліс садитчöм кежö неöткодя.

Мöдік причинаэз коласын специалист пасйис, мый лук тшыкöтіс луковöй гут, кöда таво вöлі öддьöн уна и бактериальнöй сісьмöм.

Но сё таки эмöсь нія, кинлöн лукыс шогмис бура. Нія шуöны, мый киськалісö сійö совöн, йодöн да мöдік средствоэзöн дорйисö луклісь урожай.