Клад для археолога

В Кудымкарском и Юсьвинском районах ведутся археологические раскопки. На Плотниковском могильнике археологами обнаружены серебряные кольца, предметы быта и украшения.

Округын уджалöны археологгез. Дзодзог кок кодь формаын керöм украшеннеэз,серебрянöй чунькытшшез, бытiсь предметтэз, а сiдз жö мортлöн лыэз – быдöс эта вöлi адззöм Пермскöй университеттэзiсь студенттэзöн да велöтiссезöн раскопкаэз коста, кöднö нiя чулöтiсö Плотниковскöй могильник вылын.  Сё кыкдас квадратнöй метра ыжда площадь вылын археологгез адззисö дасöкмыс шойна. Унажыкыс ны коласiсь вöлiсö дзугöмöсь да гусялöмöсь сьöрд археологгезöн.

Адззöм предметтэзлöн аналоггез абу, эд эта му вылын вöлiсö асланыс мастеррез, кöдна кужисö керны ассяма баситчаннэз, кöднö туйö торйöтны асланыс особенносттез сьöртi.

Плотниковскöй могильник - ассяма места, кöда относитчö Родановскöй культура дынö и кöда мыччалö коми-пермяккезлöн предоккезöн Пермскöй Предуральелöн освоеннёлiсь  процесс. Öння кад вылö уджыс эшö öддьöн уна. Куим год сьöрна ученöйез пондасö велöтны, кыдз и мыйись вöлiсö керöмöсь адззöм предметтэс. Сэсся Плотниковскöй могильник вылын быдöс адззöм предметтэс лоасö сетöмöсь Коми-Пермяцкöй краеведческöй музейлö.

Ордчöн раскопкаэс нуöтчöны Пермскöй государственнöй научно-исследовательскöй университетiсь студенттэзöн и Юсьвинскöй районын. Сэтчин археологгес исследуйтöны  Родановскöй городище. Гожумлöн медбöрья месяц коста ученöйез видзöтасö эшö кык могильник.