Молодые семьи получили сертификаты на покупку квартир

В рамках реализации программы «Молодая семья» несколько семей города получили сертификаты на улучшение жилищных условий на сумму 1100000 рублей.

Том семьяэзлöн гаж. Кар администрацияись актовöй залын отирыс öксисö не öддьöн уна, но поводыс нылöн эта понда медгажа: локтіс нылöн очередь «Молодая семья» нима программа сьöрті сертификаттэз получитöм понда. Мукöдыс локтісö татчö нельки учöт пиэзкöт. Карлöн юралісь кыввез сьöрті, эта лун лоас ны понда öддьöн тöдчанаöн, сійöн мый сэтшöм дыр видзчисяна отсöт сё жö получитöм.

Юралісьлöн киэзісь том семьяэз получитісö сертификаттэз. Гижöм ны вылын сумма – миллион öтік сё тысяча руб (один миллион сто тысяч рублей) сетас бур отсöт оланін босьтöмын нето строитöмын.

Маммез да айез, кöдналöн синнэз югъялісö гажа биöн, примитісö шоныт кöсйöммез депутаттэзсянь да мöдік öксьöм отирсянь.

Шуда семьяяэз сьöлöмсянь аттьöалісö нійö, кин отсаліс нылö решитны оланінкöт йитöм шоггез сэтшöм способöн.

Тимур Шипицын ас шоныт кыввезöн мыччаліс, кытшöм гаж талун олö ны сьöлöммезын. А сетöм сертификат вылö сылöн семья мöдö небны карын квартира нето керку.

Быд семьялöн туй эта документ дынö вöлі аслас: кинкö видзчисис дыр, а кинкö не öддьöн. Уналö матынсьöтны очередь локтöм отсалісö челядь.

Сизим месяц сетсьö том семьяэзлö, мед сетöм сертификат вöлі освоитöм, и учöт челядьлöн гажа голоссэз шыасисö виль оланінын.