Яндекс.Метрика

Грибов нет

лес

Грибов нет. Засушливое лето стало причиной тому, что в лесах в этом году не стало грибов.

Шондi содтö ассис öд, вöрись öшис тшак-ягöд. Кöс да жар погоддя – челядь понда вайö ыджыт гаж. Кöть купайтчан сезон уже пöдналöм ни, карись пруд вылын челядьыс тыр, нiя повтöг пырöны ваас, шуöны, что сiя шоныт.

И некытшöм гаж абу кöс погоддя дынö районiсь олiссезлöн. Эд шондiа да жар луннэз ена вачкисö вöр-валöн козиннэз вылö.

Эта кадö тшакьялöм радейтiсь отир важын ни ветлöтiсö вöрö тшакла. Уна понда тшакьялöм лоö сезоннöй сьöм шедтöмöн. Таво жö нельки ас понда запассэсö керны эз вермö.

Тöждiсьöны кöс погоддя увья и карчвöдитiссез. Уналöн таво засуха увья эз шогмы лук да эз быдмы картошка.

Уна только карчйöррезын таво воис ягöд. Эта йылiсь баитöны и рынок вылiсь ягöдöн тыртöм прилавоккез. Кыдз шуöны вузасись отир, мый вермöны, карчйöррезын киськалöны ваöн. Сiйöн огуреццез да кабачоккез таво шогмисö öддьöн уна. Вузалöны рынок вылын и крыжовник.

А сiя жö Елена Мехоношина шуö, если месяц помын пондас зэрасьны, то сентябрь месяцö пондас туйны и тшакьявны. Этасянь и надейтчö инька сы вылö, что рыжыкыс таво кöть аслас праздник кежö да ештас петавны.


Опубликовано: 25.08.2016 в 14:32 в рубрике - Новости

Комментарии

К этой статье пока нет комментариев. Вы можете стать первым!


Добавить комментарий:

Все поля должны быть заполнены.

Имя

Электронная почта

Текст комментария:
Вводите только текст. HTML-форматирование удаляется автоматически.

Перезагрузить картинку можно кликнув по ней.  

Введите цифры с картинки.

Обратите внимание