Весёлые старты с полицией

Карись первöй номера школаын уджалö «Гражданин» нима профильнöй лагерь. Керны гажаöн челядьлісь шоччисьöм отсалöны полицияись уджаліссез.

«Гражданин» нима лагерьын отир полицейскöй формаын мыччисьлöны часто, но не сы понда, мед накажитны кинöскö порядок дзугöм понда, а нач мöдік моггезöн. Талун сэтшöм могöн лоис мероприятие «Весёлые старты», кöда вылын полицияись уджаліссез меряйтчисö челядькöт, кин жö ныись чожажык. Мед тöдны этö, быдöнныс янсöтчисö куим чукöр вылö. Заданнёэз быд чукöр понда вöлісö öткодьöсь, кыдз и вермöм дынö воля, а вежöртны, кин медчож да медбур, дыр эз позь. Быд заданнё чукöррез керисö асмозöн, кинкö вöлі чожжык котрасьöмын, а кинкö буржыка вермис инмыны мячöн кольцоö. Но сыын, мый гажа вöлі быдöннсылö, бöбöтчöмыс абу.

Участниккез кыскалісö öтамöднысö мышк выланыс, чечалісö скакалкаöн, котрасисö футбольнöй мяч бöрсянь – пымалöмöь, но довольнöйöсь, эд öтласа спорт пыр йитö.Сэтшöм мероприятиеэз вылын челядьлöн оссьö азарт, охота вермыны ыджыттэсö, мый нылöн ненумöля петіс.

И кин бы эз ло эта вермасьöмын медбурöн, öтік позьö висьтавны точно – «Весёлöй старттэз» былись петісö зэв гажаэзöн.