Эх, российские дороги…

В Егвинском сельском поселении Кудымкарского района на двух участках ведется ремонт дороги. Как говорят жители близлежащих деревень, технология, по которой ведется ремонт дорожного полотна, давно устарела.

 Кудымкарскöй районiсь Егвинскöй сельскöй поселеннеын ремонтируйтöны туйез. Алеково ладорын туйез лöсьöтöны не öтiк бригада. Туй вылын уджалöны кык подрядчик. Öтiккез керöны Алеково деревянись туй, мöдiккез - Мурмарово ладорö. Разнöй подрядчиккез одзын сувтöтöм öтiк главнöй задача - керны деревняын бур дорожнöй полотно и обеспечитны отирöс достойнöй дорожнöй условиеэзöн. Сы вылын и уджалöны.

Технология, кöда сьöртi мунöны уджжез, отирлö нач не вежöртана. Сiдз кыдз тэчисö увтас кыдзовöй пуэз. Алековса шуöны, что кутчисö кö ремонтируйтны, колö керны уджсö вылын уровень вылын, мед тырмис уна годдэз кежö.

Эта участок бура лöсьöтöм вылö районнöй бюджетiсь сетiсö кыксё тысячася унажык руб. Кыдз бура шогмас керны быдöс разьсьöм туйез, кытчöдз висьтавны сьöкыт. Районнöй администрацияын торйöтчисö, что уджжез эта неделя вылын помассясö.

Мурмарово деревняись туй, кыдз и Алековскöйсö видзöны контроль увтын. Поселенне и администрация примитасö туйез сэк, кöр лоас керöм быдсöн уджыс.

Сiдз кыдз дорожнöй проблемаэз Кудымкарскöй районын эмöсь и чулöтöм проверка мыччалiс, что ветлöтны грунтовöй туйез кузя вермас только квать тоннаа и учöтжык техника, июль кыкдас öкмысöт лунсянь ыджыт сьöкыт техника понда районын туйез пöдналасö. Таво планнэзын лöсьöтны умöль туйез не öтiк поселеннёын.