В Кудымкаре открыли еще три мемориальные доски

В преддверии Дня города в Кудымкаре состоялась торжественная церемония открытия мемориальных досок .

Они установлены на здании Коми-Пермяцкого драматического театра, в котором все 3 автора в свое время трудились.

Коми-Пермяцкöй драматическöй театр стенаэз вылын вöлісö осьтöмöсь öтдруг куим мемориальнöй пöв. Нiя посвятитöмöсь гора нима гижиссезлö да драматурггезлö, кöдна уджалісö эта театрын. Этö Спиридон Можаев, Мария Сторожева да Анатолий Баяндин. Шондіа гажа лунö уськöтны тöдвылö этнö морттэсö локтісö нія, кин уджалöны театрын öні, кывлöн мастеррез – гижиссез да мöдік гöссез.

Мед невна тöдсöтыштны том поколеннёöс отиркöт, кöдна öні дзир пöввезсянь видзöтöны ны вылö, вöлісö уськöтöмöсь тöдвылö ны олантуйись торрез. Театркöт йитöттэз быдыслöн ныись вöлісö ассямаöсь. Спиридон Можаев уджаліс директорöн, Мария Сторожева пондöтіс ассис творческöй туй кыдз сцена вылын орсісь, а Анатолий Баяндин вöлі художник-декораторöн. Этатöг нія гижисö театр понда произведеннёэз, мукöдыс ны коласісь вöлісö сувтöтöмöсь сцена вылын.

Ассяма отир, ассяма олантуйез, но эм öтік тор, кöда йитö нійö – ас му дынö радейтöм да кыв пыр этö пым радейтöмсö мыччалöм. Нылöн кыв олö отир коласын да йиджö сьöлöмöдз.

Эта акция гораліс говкöн öксьöм отир сьöлöммезын. Ны кыввез сьöрті мемориальнöй пöввез осьтöм сьöрті традиция лоö öддьöн бурöн.

А томпöлöс понда этна пöввез пуктасö юрö думаэз этна гора нима отир йылісь, кöдна бöрсянь нія нюжöтасö киэзнысö небöг дынö. Карлöн лун панытö эта акция лоис бур козинöн карись оліссезлö да гöссезлö.