В культурно-деловом центре состоялось торжественное собрание ко Дню города

Глава города Иван Мехоношин вручил награды тем труженикам, которые внесли большой вклад в развитие города. 10 наиболее отличившихся работников занесены на городскую Доску Почета.

Карлöн историяö пырисö дас виль ним. Кудымкарлöн нимлун панытö КДЦ-ын чествуйтiсö и наградитiсö карись уджалiссезöс и олiссезöс.

КДЦ-ын Кудымкарлöн нимлункöт йитöм торжественнöй мероприятие вылын öксисö общественностьлöн представителлез, производствоын уджалiссез, ветераннэз и олiссез, нiя примитiсö пым поздравленнеэз и уджалöм понда ошкöм да аттьöалöм.

Кудымкарлiсь локтан кыкьямысдас сизимöт нимлун и награжденнелiсь церемония осьтiс барабанщиккезлöн выступленнё. Эта мероприятие вылын аттьöалiсö нiйö, киннэз быд лун и уна годдэз быдтöны, зорöтöны и вынсьöтöны чужанiн. Карлöн почетнöй доска вылö номинируйтöм отирлö сетiсö свидетельствоэз.

Почетнöй доска вылö свидетельствоöн наградитiсö быд сфераын уджалiсьöс. Карлöн наградаэз вылö церемония корлiс сцена вылö уна номинантöс. Эта вежалун вылын победителлезöс наградитiсö нёль конкурс сьöртi. «Предприниматель года» номинацияын дипломмез и денежнöй козиннэз козьналiсö производствоын и услугаэзлöн сфераын медбур уджалiссезлö. Куим призовöй места сетiсö «Лучший социально-ответственный работодатель» конкурсiсь медбур участниккезлö. Ассиныс наградаэз босьтiсö и карлöн лун кежö чулöтöм конкурссэзын участвуйтiсь отир.