Вековой юбилей Белоевского сельпо

Сто год, кыдз Белоевскöй сельпо уджалö округись отир понда и лыддиссьö медбур сельскöй потребительскöй обществоöн. Эта событиеöн сельпоись уджалiссезöс поздравитiс потребительскöй обществоэзлöн Пермской краевöй праленнёись председательНаталья Романченко.

Öкмысдас кык морт быд лун обеспечивайтöны округись олiссезöс быдкодь вида услугаэзöн. Даскык магазинын, кык общественнöй столовöйын, сiдзжö школьнöй столовöйезын, хлебопекарняын, кондитерскöй цехын, полуфабрикаттэзлöн производство сьöрт1 цехын да мастерскöйезын уджалöны Белоевскöй сельскöй потребительскöй обществоись вежöра и мывкыд кужись киа инькаэз да мужиккез. 100 год коста производство дзир быдмис да бурсямис.  Эта кооперация оланлöн шöр тор. Медбур показателлез понда и чествуйтiсö сельпоын уджалiссесö. Быдöс бур кыввез, поздравленнёэз, благодарносттез и юбилейнöй козиннэз адресуйтiсö сельскöй потребительскöй обществоись уджалiссезлö. Примитiсö пым поздравленнеэз и ветераннэз.

Коллектив, кöда ёртасис и вынсялiс сельпоын, пондiс кужны керны отир понда бур продукт, сетны колана услугаэз и немын не дзескöтны. Отзыввез ны йылiсь туйö кывны дзир медбурöсь.

Округись потребительскöй кооперацияэзлöн история паськыт. Война коста нiя вöлiсö медодзза отсасиссезöн. И современность сельпо бокö эз вешты, öнi потребительскöй обществоэз сiдзжö бура уджалöны и зорамöны. 100 годся юбилей белоевса порйöтöны не öтнаныс.

Праздничнöй мероприятие вылын аттьöалiсö быдöннысö, кин уджалö эта важнöй отрасльын.